Animación á lectura

TRES PASOS COS LIBROS

1. Achegamento ao libro

• Exposición de libros e guías de lectura.

• Presentación de libros.

• Xogos para que os lectores se acheguen ao libro.

• A hora do conto.

• Os libros máis lidos, os que máis gustan. Murais ou listas.

• A hora da poesía: traballar as estruturas de maneira secuenciada.

2. Despois de ler o libro

• Xogos de profundización e comprensión lectora.

• Librofórum.

• Encontro con autores ou ilustradores.

• O caderniño "Os meus libros favoritos".

• O club de lectores.

3. Actividades de expresión escrita ou creación literaria

• O libro xigante.

• Técnicas de creación literaria rápida.

• Pequenas obras de teatro ou monicreques.

• Obradoiro de contos.

• Obradoiro de poesía.

• Obradoiro de cómic.

• Obradoiro de audiovisuais.

• Xornal escolar ou xornal mural.

4. Actividades de carácter global ou interdisciplinar

• Semana cultural.

• Día do libro.

NORMAS XERAIS PARA ANIMAR A LER

                    Hai que ter en conta estes aspectos:

• Os rapaces deben contar cunha oferta variada de libros (temas, xéneros, autores...) e non descoidar os libros de tipo informativo nos préstamos, que axudan a conseguir lectores (as persoas expertas nisto din que as nosas bibliotecas deberían ter un 70% destes libros e un 30% de libros propiamente literarios), dado que hai rapaces que durante moito tempo só se interesan por estas lecturas e se non lles facilitamos o acceso a elas, podemos estar perdendo un futuro lector.

• Hai que darlles liberdade para elixir as súas lecturas e distintos tempos para ler, en función das súas capacidades e intereses.

• Mercar e seleccionar libros non en función de ofertas editoriais ou doutro tipo, senón os que ó profesorado lle parezan interesantes pola súa calidade, interese, oportunidade..., isto supón que o profesorado estea informado e se preocupe por ofrecer ó seu alumnado o mellor que poida atopar para eles.

• Establecer xeitos de presentación dos novos libros (expositores en aulas ou na biblioteca do centro, falar do autor, tema..., ler en voz alta á clase anacos ou capítulos, facer comentarios divertidos sobre os personaxes ou situacións, visitas de autores, ilustradores, animadores..., elaborar guías de lectura con recensións dos libros que se queren recomendar por temas, xéneros, novidades...).

• Deseñar programas de animación lectora para cada curso con obxectivos, actividades, recursos...

• Ter en conta todos os tipos de escrituras que se poden producir e traballalas nas aulas: Persoal (diarios, cadernos de viaxes, lembranzas, axendas...), Funcional (cartas, contratos, resumes, solicitudes, invitacións, felicitacións, facturas...), Creativa (poemas, contos, mitos, comedias, anécdotas, gags, novelas, ensaios, cartas, cantigas, chistes...), Expositiva (informes, exames, periodismo, literatura científica, novas, entrevistas, instrucións), Persuasiva (panfletos, opinión, publicidade, anuncios, consignas...), etc.

• Recompilar, crear e recrear partindo da tradición oral e a poesía.

• Xogos coa linguaxe e técnicas para desenvolver a imaxinación e fantasía (Gianni Rodari).

• Creación de informes, diarios, murais, libros comúns...

• Participación en periódicos ou revistas escolares.

• O libro de José Cañas "Hablamos juntos",  Ed. Octaedro, resulta moi útil.

• Facer xogos fonéticos coas palabras.

• Traballo oral co folclore infantil.

• Actividades de recitado de poesías e series de palabras, cantado de cantigas, contar contos, historias, anécdotas, relatos...

• Utilizar a ilustración (deseñar, reinventar o conto é un método moi útil nestes casos), historieta gráfica, fotografía, publicidade, cine, teatro, monicreques, música, prensa, radio, espectáculos...